ငယ်စဉ်ကတည်းက ရိုးရာနတ်ပညာ၊ ပယောဂအတတ်တွေမှာ စိတ်ဝင်စားခဲ့တဲ့ ယွန်းဂျီဟီး (Kim Gyuri) ဟာယောက်ျားတွေကို အသုံးချပြီး လိုချင်တာကို အရယူနိုင်မှန်း နားလည်သွားတဲ့အခါ မျက်နှာခွဲစိတ်ပြုပြင်ပြီး အထောက်အထား အကုန် အတုလုပ်ပြီးတော့ ဘဝအသစ်နဲ့ စတင်နေထိုင်ခဲ့ပါတယ်။ အဲဒီအချိန်မှာပဲ အာဏာရဲ့ အရသာကို မြည်းစမ်းကြည့်မိသွားတဲ့ ဂျီဟီးတစ်ယောက် တောင်ကိုးရီးယားတစ်နိုင်ငံလုံးကို သူ့လက်ခုပ်ထဲ ရောက်‌အောင်လုပ်မယ်ဆိုတဲ့ ရမ္မက်စိတ်နဲ့ လူ့အသက်ကိုပါ ထိခိုက်စေလောက်တဲ့အထိ ပယောဂအတတ်ကို အသုံးချလာပါတော့တယ်။ မယုံကြည်နိုင်ဖွယ် ဖြစ်ရပ်တွေ ဆက်တိုက်ဖြစ်လာလေလေ ဂျီဟီးအတွက် ပန်းတိုင်နဲ့ နီးကပ်လာလေပဲပေါ့။ တစ်ဖက်မှာလည်း “ယောဂုံးတီဗီ” ဆိုတဲ့ အင်တာနက်ချန်နယ်ရဲ့ ပီဒီ ဂျောင်ဟျွန်းဆူ (Ahn Nae-Sang) နဲ့သတင်းထောက်နှစ်ဦးက သမ္မတလောင်းအဖြစ် ဝင်ရောက်ရွေးချယ်ခံတဲ့ အမှုစစ်ချုပ်ဟောင်းဂင်ဆော့အီ (Joo Sung-Hwan) နဲ့ သူ့ရဲ့ဇနီးသည် ယွန်းဂျီဟီးတို့ကို ခြေရာခံလိုက်နေပြီး ကြောက်မက်ဖွယ်အမှန်တရားနဲ့ နီးကပ်လာလေလေ သူတို့သုံးဦးအတွက် ပိုပြီး အန္တရာယ်များလာတဲ့အခါမှာတော့.. ယွန်းဂျီဟီးရဲ့ သရုပ်မှန်အစစ်ကို ဘယ်လိုတွေ ဖော်ထုတ်သွားမလဲဆိုတာ..