အာဏာနဲ့ ငွေကြေးက အမှန်တရားကို လိုသလို ပုံဖော်နေတဲ့ စနစ်ဆိုးကြီးတစ်ခုထဲမှာ အခွင့်ထူးခံ အစိုးရရှေ့နေမလေးနဲ့ သာမန် လက်နှိပ်စက်စာရေးမလေးတို့ရဲ့ ဘဝနှစ်ခု မမျှော်လင့်ဘဲ ထိပ်တိုက်ဆုံတွေ့ပြီး တရားမျှတမှုရဲ့ စစ်မှန်တဲ့အဓိပ္ပာယ်ကို စိန်ခေါ်ကြမယ့် တရားခွင်ဒရမ်မာကားကောင်းကြီး!

➪➪➪➪➪➪➪➪➪➪➪➪➪➪➪➪➪➪➪➪➪➪➪➪

အိန္ဒိယရုပ်ရှင်လောကရဲ့ ဥပဒေရေးရာ လှည့်ကွက်တွေနဲ့အတူ ဉာဏ်ပြိုင်ပွဲတွေကို စိတ်လှုပ်ရှားဖွယ် ခံစားကြည့်ရှုရမယ့် ၂၀၂၆ ခုနှစ်ထွက် Crime, Drama, Mystery ရုပ်ရှင်ကားကြီး “System” ကို တင်ဆက်ပေးလိုက်ပါတယ်။

ဇာတ်လမ်းထဲမှာတော့ နေဟာ ရာ့ဂျ်ဗန်ရှ် (Neha Rajvansh) ဟာ အထက်တန်းလွှာက ဆင်းသက်လာပြီး အရှိန်အဝါကြီးမားတဲ့ အစိုးရရှေ့နေတစ်ဦး ဖြစ်သလို၊ ဆာရီကာ ရာဝတ် (Sarika Rawat) ကတော့ ဘဝကို အောက်ခြေကနေ ရုန်းကန်နေရတဲ့ သာမန် လက်နှိပ်စက်စာရေးမလေးတစ်ဦး ဖြစ်ပါတယ်။ သာမန်အားဖြင့် လုံးဝ ဆုံတွေ့စရာအကြောင်းမရှိတဲ့ သူတို့နှစ်ယောက်ရဲ့ ဘဝဟာ ကြီးမားတဲ့ အမှုအခင်းတစ်ခုကြောင့် ဥပဒေစနစ်ကြီးရဲ့ ရှေ့မှောက်မှာ မမျှော်လင့်ဘဲ ထိပ်တိုက်ဆုံတွေ့လာခဲ့ပါတော့တယ်။

ငွေကြေးနဲ့ အာဏာရှိသူတွေက သက်သေတွေကို ဖျောက်ဖျက်ပြီး အမှန်တရားကို လိုသလို ပုံဖော်နေတဲ့ အကျင့်ပျက်စနစ်ဆိုးကြီးထဲမှာ… ဆာရီကာတစ်ယောက် မတရားမှုကို ရင်ဆိုင်ဖို့ ကြိုးစားရင်းနဲ့ နေဟာ့ရဲ့ ဥပဒေကစားပွဲတွေကြား ညှပ်ပါသွားတဲ့အခါ…။ သူတို့နှစ်ယောက်လုံးဟာ “ငွေရှိမှ တရားမျှတမှု ရမှာလား” ဆိုတဲ့ စနစ်ကြီးရဲ့ မေးခွန်းကို ကိုယ်စီ ရင်ဆိုင်ရင်း တရားမျှတမှုရဲ့ စစ်မှန်တဲ့အဓိပ္ပာယ်ကို ပြန်လည်မေးခွန်းထုတ်လာကြရပါတယ်။

တရားခွင်အတွင်းက အပြန်အလှန် အခြေအတင် ပြောဆိုချက်တွေ၊ နောက်ကွယ်က လျှို့ဝှက်ချက်တွေနဲ့အတူ ဇာတ်ရှိန်အေးအေးနဲ့ ရင်ခုန်စရာ ကောင်းလွန်းတာမို့ ဒရမ်မာကားကောင်း ကြိုက်သူများ လက်မလွှတ်သင့်တဲ့ လက်ရာမွန်တစ်ခု ဖြစ်ပါတယ်။