Bone Keeper (2-0-2-6)

IMDB ⭐️ 5.2/10

“မှောင်မိုက်တဲ့ ဂူနက်ထဲမှာ မင်းကို စောင့်ကြိုနေတာက.. “

Creature Feature နဲ့ Horror ကားကောင်းကောင်း မျှော်နေတဲ့သူတွေအတွက် ၂၀၂၆ ဧပြီလမှာ အသစ်စက်စက် Digital ထွက်ရှိထားတဲ့ British Horror ကားလေးတစ်ကားကို ညွှန်းပေးချင်ပါတယ်။

သူငယ်ချင်း (၆) ယောက်ဟာ အိုလီဗီယာဆိုတဲ့ကောင်မလေးရဲ့အမေကိုရှာဖို့ လူသူမနီးတဲ့အရပ်က ဂူကြီးတွေရှိတဲ့နေရာကို ခရီးထွက်ခဲ့ကြပါတယ်။

တကယ်တော့အိုလီဗီယာရဲ့အမေကလည်း အိုလီဗီယာရဲ့အဘိုးဖြစ်သူ ချန်ရစ်ခဲ့တဲ့ ဒိုင်ယာရီထဲမှာပါတဲ့ ဂူကြီးတွေထဲက သတ္တဝါဆန်းအကြောင်းကို စူးစမ်းချင်လို့ ထွက်သွားခဲ့ပြီး ပြန်မရောက်လာတော့တာပါ။

ဒီတော့သေမှန်းရှင်မှန်းမသိရတဲ့ သူ့အမေကိုရှာဖို့ အိုလီဗီယာတစ်ယောက် ဒီဂူကြီးတွေဆီ လမ်းညွှန်ပေးမဲ့ ပရော်ဖက်ဆာဆီ သွားဖို့ပြင်ပါတော့တယ်။

ပိုထူးဆန်းတာက လမ်းမှာတွေ့တဲ့လူတိုင်း သူတို့ ဒီဂူတွေဆီသွားမှာလို့ပြောရင် ကိုယ့်သေတွင်းကိုယ်တူးတဲ့ ငမိုက်သားတွေလို ဝိုင်းကြည့်ကြတာပါပဲ။

ဒီလိုနဲ့ပဲ ဂူထဲကို ဇွတ်ဝင်သွားကြတဲ့ သူငယ်ချင်း ၆ ယောက် စစချင်းတော့ ဘာမှမထူးခြားပေမဲ့ တွင်းနက်လေ ပုံမှန်မဟုတ်တဲ့အရာတွေကို ကြုံလာရချိန်မှာတော့…

သူတို့ကိုဂူထဲမှာ စောင့်ကြိုနေတာက ဘာများဖြစ်မလဲဆိုတာ ရှုစားကြပါဦး