လူပေါင်းများစွာကို သတ်ဖြတ်ပြီး တောတွင်းလျှိုမြောင်ထဲ လျှို့ဝှက်ဝှက်ထားတဲ့ သွေးအေးလူသတ်သမားကြီးရဲ့ လက်ထဲကနေ လွတ်မြောက်ဖို့အတွက် ဒဏ်ရာရနေတဲ့ ရန်သူနဲ့အတူ ကမ်းပါးယံမြင့်ကြီးပေါ်ကို ကြိုးတစ်ပင်တည်းနဲ့ သေဘေးလုတက်ရင်း ဉာဏ်ဆင်ရုန်းကန်ရမယ့် အသက်ရှူမှားလောက်စရာ သည်းထိတ်ရင်ဖို ကားကောင်းကြီး!

➪➪➪➪➪➪➪➪➪➪➪➪➪➪➪➪➪➪➪➪➪➪➪➪

ဇာတ်ရှိန်အေးအေးနဲ့ စိတ်လှုပ်ရှားမှုအပြည့် ပေးစွမ်းမယ့် ၂၀၂၆ ခုနှစ်ထွက် Mystery, Thriller ရုပ်ရှင်ကားကြီး “Apex” ကို တင်ဆက်ပေးလိုက်ပါတယ်။

ဇာတ်လမ်းထဲမှာတော့ ဆာရှာ (Sasha) ဟာ သူမရဲ့သူငယ်ချင်း တွမ်မီ (Tommy) သေဆုံးသွားခဲ့ရတဲ့အတွက် စိတ်မကောင်းခြင်း၊ အပြစ်မကင်းခြင်းတွေနဲ့အတူ သွေးအေးလူသတ်သမား ဘန် (Ben) ရဲ့ ဖမ်းဆီးချုပ်နှောင်ခြင်းကို ကညွန်လျှိုမြောင်ကြီးထဲမှာ ခံထားရပါတယ်။ ဒဏ်ရာရနေတဲ့ ဘန်နဲ့ ခြေကျဉ်းခတ်ခံထားရတဲ့ ဆာရှာတို့ဟာ ဒီအတိုင်းဆိုရင် လျှိုမြောင်ထဲကနေ ဘယ်လိုမှ လွတ်မြောက်နိုင်မှာ မဟုတ်တာကြောင့် မတတ်သာတဲ့အဆုံး ကမ်းပါးယံပေါ်ကို အတူတူတွဲပြီး တောင်တက်ဖို့ သဘောတူညီချက်တစ်ခု လုပ်ခဲ့ကြရပါတယ်။

ဘန်က ဆာရှာရဲ့ ခြေကျဉ်းကို ဖြုတ်ပေးခဲ့ပေမဲ့ ထွက်မပြေးနိုင်အောင် သူ့ရဲ့ တောင်တက်ဝတ်စုံကြိုးနဲ့ ဆာရှာကို တရားသေ တွဲချည်ထားပြီး ထွက်ပြေးဖို့ ကြိုးစားရင် ကမ်းပါးပေါ်ကနေ အတူတူဆွဲချပစ်မယ်လို့ ခြိမ်းခြောက်ထားပါတယ်။ အသက်လုပြီး ကမ်းပါးယံပေါ်ကို တစ်ဆင့်ချင်း တက်နေကြစဉ်မှာတော့ ဉာဏ်ကောင်းတဲ့ ဆာရှာတစ်ယောက် ဘန်ရဲ့ ချုပ်ကိုင်မှုအောက်ကနေ လွတ်မြောက်အောင် ဘယ်လိုဉာဏ်ဆင်ရုန်းကန်မလဲ…။

ကျောက်ဆောင်ကမ်းပါးယံတွေပေါ်မှာ အသက်အန္တရာယ်ကြားက ရုန်းကန်ရမယ့် သဲထိတ်ရင်ဖို ပြကွက်တွေ၊ လူသတ်သမားရဲ့ နောက်ကွယ်က သွေးပျက်စရာ လျှို့ဝှက်ချက်တွေကိုပါ ဇာတ်ရှိန်အပြည့်နဲ့ ရင်တမမ စောင့်ကြည့်ရမယ့် ကားကောင်းတစ်ကား ဖြစ်ပါတယ်။