မိဘတွေကို ဆုံးရှုံးလိုက်ရတဲ့ ပန်းချီဝါသနာရှင်မလေး လီယာ… အကိုဖြစ်သူရဲ့ အကောင်းဆုံးသူငယ်ချင်း အက်ဇယ် (Axel) တစ်ယောက် သူမကို စောင့်ရှောက်ပေးဖို့ ရောက်လာတဲ့အခါ နှစ်ရှည်လများ မြတ်နိုးဝှက်ဖုံးထားခဲ့တဲ့ ငယ်ချစ်ခံစားချက်တွေ ဘယ်လို ပေါက်ကွဲထွက်လာမလဲ!

⇨⇨⇨⇨⇨⇨⇨⇨⇨⇨⇨⇨⇨⇨⇨⇨⇨⇨⇨⇨⇨⇨⇨⇨

ရင်ကိုထိရှစေပြီး ရေပန်းစားနေတဲ့ ဝတ္ထုဇာတ်လမ်းကို အခြေခံရိုက်ကူးထားတဲ့ ရိုမန်းတစ် ဒရာမာဇာတ်ကားသစ်ဖြစ်တဲ့ “All That We Never Were” ရဲ့ ဇာတ်လမ်းအကျဉ်းလေးကို တင်ဆက်ပေးလိုက်ပါတယ်။

ဇာတ်လမ်းထဲမှာတော့ မမျှော်လင့်ဘဲ မိဘတွေကို ဆုံးရှုံးလိုက်ရတဲ့ ဒဏ်ရာကြောင့် စိတ်ဓာတ်ကျဆင်းပြီး ရုန်းကန်နေရတဲ့ ပန်းချီဝါသနာရှင် မလေး လီယာ (Leah) ရဲ့ ဘဝကို ပုံဖော်ထားပါတယ်။ တစ်နေ့မှာ အကိုဖြစ်သူက အခြားတစ်နေရာကို ပြောင်းရွှေ့သွားရတော့မှာဖြစ်လို့ သူ့ရဲ့ အကောင်းဆုံးသူငယ်ချင်းဖြစ်တဲ့ အက်ဇယ် (Axel) ကို လီယာ့ကို သေချာစောင့်ရှောက်ပေးဖို့ အပ်နှံခဲ့ပါတယ်။

အက်ဇယ် တစ်ယောက် လီယာ့အနားကို ရောက်လာတဲ့အခါမှာတော့… လီယာ့အနေနဲ့ သူငယ်ချင်းတစ်ယောက်အပေါ် နှစ်ပေါင်းများစွာ တိတ်တဆိတ် ရင်ထဲဝှက်ပြီး ချစ်မြတ်နိုးနေခဲ့ရတဲ့ သူမရဲ့ ရင်ခုန်သံတွေကို ဖုံးကွယ်ထားဖို့ ပိုပြီး ခက်ခဲလာပါတော့တယ်။ အတိတ်က နာကျင်မှုတွေ၊ လျှို့ဝှက်ထားတဲ့ အချစ်ဇာတ်လမ်းနဲ့ လူငယ်တို့ရဲ့ စိတ်ခံစားချက်တွေကို ရင်သပ်ရှုမောဖွယ် ကြည့်ရှုရမှာ ဖြစ်ပါတယ်… 🎨❤️✨