မောင်လေးဖြစ်သူကို ကယ်တင်ဖို့အတွက်ဆို သေမင်းတမန် အကျဉ်းထောင်ကြီးကိုပါ အသက်နဲ့လဲပြီး ဖောက်ခွဲဖျက်ဆီးကာ ထောင်ဖောက်ကယ်တင်မယ့် အစ်မတစ်ယောက်ရဲ့ သွေးသစ္စာနဲ့ ရင်ဘတ်ထဲထိမှန်မယ့် အက်ရှင်ဇာတ်ကားကြီး!

➪➪➪➪➪➪➪➪➪➪➪➪➪➪➪➪➪➪➪➪➪➪➪➪

၂၀၂၄ ခုနှစ်ထွက် မင်းသမီး အာလီယာဘတ် (Alia Bhatt) ကိုယ်တိုင် အကြမ်းဆုံး ပွဲထွက်လာပြီး အက်ရှင်ရော ဒရမ်မာပါ လုံးဝအလန်းစား ကြည့်ရမယ့် ဘောလိဝုဒ် ရုပ်ရှင်ကားကြီး “Jigra” ကို တင်ဆက်ပေးလိုက်ပါတယ်။

ဇာတ်လမ်းထဲမှာတော့ ဆတ်တရာ (Satya) နဲ့ အန်ကူးရ် (Ankur) တို့ဟာ မိဘမဲ့မောင်နှမ နှစ်ယောက်ဖြစ်ပြီး တစ်ဦးကိုတစ်ဦး အသက်ထက်မက ချစ်ကြတဲ့သူတွေပါ။ တစ်နေ့မှာတော့ မောင်လေးဖြစ်သူ အန်ကူးရ်ဟာ နိုင်ငံရပ်ခြား တိုင်းပြည်တစ်ခုမှာ သူတစ်ပါးရဲ့ ထောင်ချောက်ဆင် ဓားစာခံလုပ်ခြင်းကို ခံလိုက်ရပြီး မတရားစွပ်စွဲချက်နဲ့ သေဒဏ်အမိန့် ချမှတ်ခြင်း ခံလိုက်ရပါတော့တယ်။

ဥပဒေကြောင်းအရော နည်းလမ်းမျိုးစုံနဲ့ပါ မောင်လေးကို ကယ်တင်ဖို့ ကြိုးစားပေမဲ့ မအောင်မြင်တဲ့အဆုံးမှာတော့ အစ်မဖြစ်သူ ဆတ်တရာဟာ ကိုယ်တိုင် လက်နက်စွဲကိုင်ပြီး အကျဉ်းထောင်ကို ဖောက်ဖို့ ဆုံးဖြတ်လိုက်ပါတော့တယ်။ ရက်စက်လွန်းတဲ့ နိုင်ငံခြားအကျဉ်းထောင်ရဲ့ လုံခြုံရေးတွေ၊ အန္တရာယ်တွေကြားထဲကို အသက်ကို ပုံအောပြီး ဝင်ရောက် စီးနင်းခဲ့တဲ့အခါ…။

မောင်နှမသံယောဇဉ်ကို အခြေခံထားတဲ့ ရင်နင့်စရာ ဒရမ်မာအခန်းတွေနဲ့အတူ မောင်လေးကို အသက်ရှင်လျက် ပြန်လည်ထောင်ဖောက်ကယ်တင်ဖို့ ကြိုးစားမယ့် မင်းသမီး အာလီယာဘတ်ရဲ့ တစ်ခါမှမမြင်ဖူးသေးတဲ့ အက်ရှင်သတ်ကွက်တွေကို တစ်ဝကြီး ကြည့်ရှုရမယ့် လက်မလွတ်တမ်း ဇာတ်ကားကောင်းကြီး ဖြစ်ပါတယ်။