ကမ္ဘာမြေလောကရဲ့ ကံကြမ္မာကို ဆုံးဖြတ်မယ့် သွေးထွက်သံယို အကြိတ်အနယ် ပြိုင်ပွဲကြီး… ပြိုင်ဘက်ကင်း ဂျော်နီကေ့ချ်နဲ့အတူ စကြာဝဠာရဲ့ အမိုက်စား တိုက်ခိုက်ရေးသမားတွေရဲ့ ကလဲ့စားချေ တွန်းလှန်ပွဲသစ်ကြီး

➪➪➪➪➪➪➪➪➪➪➪➪➪➪➪➪➪➪➪➪➪➪➪➪

၂၀၂၆ ခုနှစ်ရဲ့ အမျှော်လင့်ရဆုံး အက်ရှင် သွေးထွက်သံယို ဇာတ်ကားကြီးဖြစ်တဲ့ “Mortal Kombat 2” ရုပ်ရှင်ကားကြီး ရောက်ရှိလာပါပြီ။

ပထမကားရဲ့ အဆက်အတိုင်း ကျွန်တော်တို့ရဲ့ ကမ္ဘာမြေလောကကြီးကို တစ်ဖက်ကမ္ဘာက ဖျက်ဆီးမယ့် ရန်သူတွေလက်ကနေ ကာကွယ်ဖို့အတွက် ကိုးလ်ယန်း (Cole Young) နဲ့ အဖွဲ့သားတွေဟာ ပိုမိုအစွမ်းထက်တဲ့ တိုက်ခိုက်ရေးသမားတွေကို လိုက်လံစုဆောင်းကြရပါတော့တယ်။ ဒီတစ်ခေါက်မှာတော့ ပရိသတ်တွေ အသည်းစွဲဖြစ်တဲ့ ဟောလိဝုဒ်မင်းသားအမြူးလေး ဂျော်နီကေ့ချ် (Johnny Cage) အပြင်၊ ကစ်တာနာ (Kitana) နဲ့ ဂျေဒါ (Jade) တို့လို အမိုက်စား ဇာတ်ကောင်အသစ်တွေလည်း အများကြီး ပါဝင်လာခဲ့ပါတယ်။

တစ်ဖက်မှာလည်း သေဆုံးသွားခဲ့ပြီဖြစ်တဲ့ ဆပ်ဇီးရိုး (Sub-Zero) ဟာ ပိုမိုကြောက်မက်ဖွယ်ကောင်းပြီး အမှောင်ထုစွမ်းအားအပြည့်နဲ့ နိုဘ်ဆိုင်းဘော့ (Noob Saibot) အဖြစ် ပြန်လည်နိုးထလာသလို၊ ရက်စက်လှတဲ့ အရှင်သခင် ရှောင်ခန်း (Shao Kahn) ကြီးကိုယ်တိုင်ကပါ ကမ္ဘာမြေကို သိမ်းပိုက်ဖို့ ပွဲထွက်လာတဲ့အခါမှာတော့…။

ပထမကားထက် ပိုမိုကြမ်းတမ်းရက်စက်တဲ့ သတ်ကွက်တွေ၊ မျက်စိပသာဒဖြစ်စေမယ့် အက်ရှင် ရိုက်ချက်အမိုက်စားတွေနဲ့အတူ အသည်းတယားယား ကြည့်ရှုရမယ့် တိုက်ခိုက်ရေး ဇာတ်ကားကောင်းကြီး ဖြစ်တာမို့ လက်လွတ်မခံဘဲ အားပေးကြည့်ရှုလိုက်ကြပါဦးဗျာ။