လူသူမနီးတဲ့ တောနက်ထဲက ကျတ်ရွာကြီးထဲ မရည်ရွယ်ဘဲ ခြေချမိသွားတဲ့ လူတစ်စု… အသက်ရှင်လျက် ပြန်ထွက်ဖို့ လမ်းစမရှိတဲ့ သေမင်းတမန်နယ်မြေ! 😱ထွက်ပြေးကြစမ်း!!

➪➪➪➪➪➪➪➪➪➪➪➪➪➪

၂၀၂၅ ခုနှစ်ထွက် လုံးဝကျောချမ်းပြီး ရင်တထိတ်ထိတ်နဲ့ ကြည့်ရမယ့် Horror ကားသစ်ကြီး “Village Of The Dead” ရောက်ရှိလာပါပြီ။

ဇာတ်လမ်းထဲမှာတော့ လူသူဝေးလံပြီး တောတောင်ထူထပ်တဲ့ တောနက်ကြီးထဲကို ရောက်သွားတဲ့ လူတစ်စုဟာ မထင်မှတ်ဘဲ ထူးဆန်းဆန်းပြားပြားနဲ့ အစိမ်းသေ သေဆုံးသွားခဲ့ကြတဲ့ ရွာသားတွေရဲ့ နာမည်ကြီး “ကျတ်ရွာပျက်ကြီး” ထဲကို ခြေချမိသွားပါတော့တယ်။

ရွာထဲကို ရောက်ပြီးတာနဲ့ လုံးဝမတူတော့တဲ့ သဘာဝလွန် ခြောက်လှန့်မှုတွေ၊ ကျိန်စာသင့်နေတဲ့ အမှောင်ထုရဲ့ အန္တရာယ်တွေနဲ့ တစ်ယောက်ပြီးတစ်ယောက် ရင်ဆိုင်လာရတဲ့အခါ…။ ကျတ်ရွာကြီးရဲ့ နောက်ကွယ်က သွေးဆာနေတဲ့ အမှောင်ထုကြီးက သူတို့ကို အရှင်လတ်လတ် အမဲလိုက်ဖို့ ကြိုးစားလာပါတော့တယ်။

သူတို့တစ်တွေ ဒီကျတ်ရွာကြီးထဲကနေ အသက်ရှင်လျက် ပြန်လည်လွတ်မြောက်နိုင်ပါ့မလား၊ ရွာကြီးရဲ့ နောက်ကွယ်က ထိတ်လန့်စရာ လျှို့ဝှက်ချက်ကကော ဘာဖြစ်မလဲဆိုတာကို Horror Vibe အပြည့်နဲ့ ရင်တလှပ်လှပ် ကြည့်ရှုလိုက်ကြပါဦးဗျာ။