New York မြို့ကြီးဟာ အမေရိကန်တစ်နိုင်ငံလုံးရဲ့အကျဉ်းထောင်အဖြစ် သတ်မှတ်ခံလိုက်ရပြီး Manhattan ကျွန်းကြီးပတ်ချာလည် တံတိုင်းတွေခတ်လိုက်ပါတယ်။ အထဲမှာလည်း ရာဇဝတ်သားတွေအပြည့်နဲ့ ရဲတွေကတော့ တံတိုင်းအပြင်ကသာစောင့်ကြပါတယ်။ ထိန်းမယ့်သူမရှိတော့အထဲမှာက ရာဇဝတ်သားတွေဟာ သူတလူငါတမင်းအုပ်ချုပ်နေကြပြီး ရမ်းကားလို့ကောင်းပြီးရင်းကောင်းနေတာပါ။ ဖြစ်ချင်တော့တစ်နေ့မှာ သမ္မတကြီးလေယာဉ်ဟာ မျိုးချစ်ဝါဒီအစွန်းရောက်တွေရဲ့ ပြန်ပေးဆွဲခြင်းခံရပြီး New York မြို့ထဲကိုပျက်ကျစေခဲ့ကာ သမ္မတကြီးကို ထောင်ထဲရောက်စေခဲ့ပါတယ်။သမ္မတကြီးကိုကယ်ဆယ်ဖို့ကလည်း လူအင်အားသုံးလို့မရတာကြောင့် အကျဉ်းကျဖို့ရောက်လာတဲ့ Snake ကိုပဲအပေးယူသဘောနဲ့ ခိုင်းစေရပါတော့တယ်။ Snake ထွက်ပြေးမှာကိုသိနေလို့ လည်ပင်းထဲမှာပါ မိုင်းအသေးစားလေးလိုတပ်ဆင်ပေးထားလိုက်ပြီး 24 နာရီအတွင်းပြန်မရောက်ပါက သေမှာဖြစ်ပါတယ်။ Snake တစ်ယောက်သမ္မတကြီးကိုဘယ်လိုကယ်မလဲ.. သူရောအသက်ရှင်လျက် ပြန်ထွက်လာနိုင်မလားဆိုတာ..