အရင်က အထီးကျန် အငှားအမဲလိုက်သမားကြီးဘဝကနေ အခုဆိုရင် ထူးခြားတဲ့စွမ်းအားတွေရှိတဲ့ တပည့်လေးနဲ့အတူ သားအဖတွေလို သံယောဇဉ်တွဲပြီး စကြဝဠာကြီးရဲ့ ပုန်းကွယ်နေတဲ့ ရန်သူတွေကို ရင်ဆိုင်ရင်း အန္တရာယ်အပြည့်နဲ့ ခရီးသစ်တစ်ခုဆီ ခြေစုံပစ်ဝင်ကြမယ့် ကမ္ဘာကျော် Star Wars ရဲ့ သွေးဆူစရာ Sci-Fi အက်ရှင်ကားကြီး!

➪➪➪➪➪➪➪➪➪➪➪➪➪➪➪➪➪➪➪➪➪➪➪➪

Star Wars ပရိသတ်တွေ အားလုံး မျှော်လင့်စောင့်စားနေကြတဲ့ ၂၀၂၆ ခုနှစ်ထွက် Sci-Fi, Action, Adventure ရုပ်ရှင်ကားကြီး “The Mandalorian and Grogu” ကို တင်ဆက်ပေးလိုက်ပါတယ်။

ဇာတ်လမ်းထဲမှာတော့ မန္ဒလိုရီယန် မျိုးနွယ်စုဝင် ဒင်ဂျာရင် (Din Djarin) ဟာ အရင်က ဂလက်ဆီအနှံ့ အစွမ်းပြခဲ့တဲ့ အထီးကျန် အငှားအမဲလိုက်သမားတစ်ဦး ဖြစ်ပါတယ်။ ဒါပေမဲ့ အခုအချိန်မှာတော့ သူဟာ ကမ္ဘာ့အချစ်တော် ဂျီဒိုင်းပေါက်စလေး ဂရိုးဂု (Grogu) ကို တရားဝင် သားအဖြစ်ရော၊ တပည့်အဖြစ်ပါ မွေးစားပြီး အမဲလိုက်ခရီးစဉ်တွေကို အတူတူ ဖြတ်သန်းနေတာပါ။ သူတို့သားအဖနှစ်ယောက်ဟာ အင်ပါယာအကြွင်းအကျန် အင်အားစုတွေရဲ့ ကပ်ဘေးအန္တရာယ်ကို တားဆီးဖို့အတွက် နယူးရီပတ်ဘလစ် (New Republic) အတွက် လျှို့ဝှက်တာဝန်တွေကို စတင်ထမ်းဆောင်ရပါတော့တယ်။

ဒီခရီးစဉ်အသစ်မှာတော့ သူတို့ဟာ ဂလက်ဆီရဲ့ အမှောင်ဆုံး နယ်မြေတွေဆီအထိ သွားရောက်ပြီး အစွမ်းထက်တဲ့ ရန်သူအသစ်တွေ၊ အကြံဆိုးရှိသူတွေကို ရင်ဆိုင်ရမယ့်အပြင် ဂရိုးဂုလေးရဲ့ အစွမ်းတွေကိုပါ ပိုမိုထုတ်သုံးပြီး အသက်လုတိုက်ပွဲတွေ ဆင်နွှဲကြရတဲ့အခါ…။

မန္ဒလိုရီယန်ရဲ့ ဝတ်စုံအမိုက်စားနဲ့ Fight Scene တွေ၊ ကမ္ဘာကျော် Space Battle ရိုက်ချက်တွေအပြင် ချစ်စရာကောင်းလှတဲ့ ဂရိုးဂုလေးရဲ့ အလွဲတွေကိုပါ Visual Quality အမြင့်ဆုံးနဲ့ တစ်ကားလုံး ဇာတ်ရှိန်အပြည့် ခံစားကြည့်ရှုရမယ့် ရုပ်ရှင်ကားကောင်းကြီး ဖြစ်ပါတယ်။