သူနှစ်သက်ရတဲ့ ကောင်မလေးရဲ့ နှလုံးသားကို ရရှိဖို့အတွက် လျှို့ဝှက်ဆန်းပြားတဲ့ ဆုတောင်းသစ်ပင်ကြီးကို ချိုးဖဲ့ပြီး ဆုတောင်းခဲ့ရာကနေ ဆုတောင်းအတိုင်း ပြည့်လာခဲ့ပေမဲ့ အဲဒီဆုတောင်းရဲ့နောက်ကွယ်မှာ ကြောက်မက်ဖွယ်ရာ အမှောင်ထုတန်ဖိုးကို ပေးဆပ်ရတော့မယ့် ၂၀၂၅ ခုနှစ်ထွက် ဆန်းပြားဆွဲဆောင်မှုရှိတဲ့ သည်းထိတ်ရင်ဖို ကားကောင်းကြီး!

⇨⇨⇨⇨⇨⇨⇨⇨⇨⇨⇨⇨⇨⇨⇨⇨⇨⇨⇨⇨⇨⇨⇨⇨

လူသားတွေရဲ့ လောဘ၊ အချစ်နဲ့ လျှို့ဝှက်ဆန်းပြားတဲ့ မှော်အတတ်တွေကြား ရင်တလှပ်လှပ်နဲ့ စိတ်လှုပ်ရှားမှုအပြည့် ပေးစွမ်းမယ့် ၂၀၂၅ ခုနှစ်ထွက် Drama, Mystery, Thriller ရုပ်ရှင်ကားကြီး “Obsession” ကို တင်ဆက်ပေးလိုက်ပါတယ်။

ဇာတ်လမ်းထဲမှာတော့ အချစ်ကြီးပြီး ရိုမန်းတစ်ဆန်လှတဲ့ လူငယ်တစ်ယောက်ဟာ သူအသည်းအသန် စွဲလန်းနှစ်သက်နေရတဲ့ ကောင်မလေးရဲ့ နှလုံးသားကို အပိုင်ရယူနိုင်ဖို့အတွက် နည်းလမ်းမျိုးစုံ ကြံစည်ပါတော့တယ်။ နောက်ဆုံးမှာတော့ သူဟာ လျှို့ဝှက်ဆန်းပြားပြီး စွမ်းအားတွေရှိတယ်လို့ နာမည်ကြီးတဲ့ “ဆုတောင်းတစ်ခွင် သစ်ပင်ကြီး” (One Wish Willow) ကို ချိုးဖဲ့ပြီး ဆုတောင်းစိန်ခေါ်မှုတစ်ခု ပြုလုပ်ခဲ့ပါတယ်။ မထင်မှတ်ဘဲ သူတောင်းဆိုခဲ့တဲ့အတိုင်း ကောင်မလေးရဲ့အချစ်ကို ရရှိပြီး အရာရာ ပြည့်စုံသွားခဲ့ပေမဲ့…။

မကြာခင်မှာပဲ သူရရှိခဲ့တဲ့ အချစ်နဲ့ ဆုတောင်းတွေရဲ့ နောက်ကွယ်မှာ အလွန်ကြောက်မက်ဖွယ်ကောင်းပြီး ဆိုးဝါးလှတဲ့ အမှောင်ထု အဖိုးအခ တန်ဖိုးတစ်ခု ပြန်လည်ပေးဆပ်ရမယ်ဆိုတာ သိရှိသွားတဲ့အခါမှာတော့…။

ကိုယ်ဖြစ်ချင်တဲ့ ဆန္ဒလောဘနောက်ကို လိုက်ရင်း ဘယ်လိုထောင်ချောက်ဆိုးကြီးထဲ ပိတ်မိသွားမလဲ၊ အချစ်ကနေတစ်ဆင့် ဘယ်လိုသွေးပျက်စရာ အလှည့်အပြောင်းတွေ ဖြစ်လာမလဲဆိုတာကို ဇာတ်ရှိန်အပြည့်နဲ့ ရင်တမမ စောင့်ကြည့်ရမယ့် စိတ္တဇသည်းထိတ်ရင်ဖို ကားကောင်းတစ်ကား ဖြစ်ပါတယ်။