အမှောင်ထုထဲက မကောင်းဆိုးဝါးရန်ကနေ လွတ်မြောက်ဖို့ နေအိမ်နဲ့ ခန္ဓာကိုယ်ကို ကြိုးတစ်ချောင်းတည်းနဲ့ ချည်နှောင်ထားရတဲ့ မိခင်တစ်ဦးနဲ့ သားနှစ်ယောက်ရဲ့ အသည်းတယားယား ဟော်ရာဆန်းပြား စွန့်စားခန်း!

➪➪➪➪➪➪➪➪➪➪➪➪➪➪➪➪➪➪➪➪➪➪➪➪

၂၀၂၄ ခုနှစ်ထွက် ကမ္ဘာကျော်မင်းသမီးကြီး ဟာလီဘာရီ (Halle Berry) အဓိကပါဝင် သရုပ်ဆောင်ထားပြီး စိတ္တဇဆန်ဆန် Mystery Horror Vibe အပြည့်နဲ့ ကြည့်ရှုရမယ့် “Never Let Go” ရုပ်ရှင်ကားကြီးကို တင်ဆက်ပေးလိုက်ပါတယ်။

ဇာတ်လမ်းထဲမှာတော့ ကမ္ဘာပျက်ကပ်တစ်ခု ဖြစ်ပွားပြီးနောက် ကမ္ဘာကြီးတစ်ခုလုံးကို မကောင်းဆိုးဝါး အမှောင်ထုကြီးက ဝါးမြိုသွားခဲ့ပါပြီ။ အဲဒီအန္တရာယ်ကနေ လွတ်မြောက်အောင် တောနက်ထဲက အိမ်အိုကြီးတစ်လုံးထဲမှာ မိခင်ဖြစ်သူဟာ သားအမြွှာနှစ်ယောက်နဲ့အတူ ခိုလှုံနေထိုင်နေကြတာပါ။ သူတို့အိမ်ကြီးက မကောင်းဆိုးဝါးရန်ကနေ ကာကွယ်ပေးထားတဲ့ တစ်ခုတည်းသော ဘေးကင်းရာနယ်မြေ ဖြစ်ပါတယ်။

အပြင်ထွက်ပြီး အစားအစာ ရှာဖွေတဲ့အခါတိုင်းမှာလည်း အိမ်ကြီးနဲ့ သူတို့ခန္ဓာကိုယ်ကို ရှည်လျားတဲ့ ကြိုးကြီးတွေနဲ့ မဖြစ်မနေ ချည်နှောင်ထားရပြီး “ဘယ်တော့မှ ကြိုးကို လက်မလွှတ်လိုက်နဲ့” ဆိုတဲ့ စည်းကမ်းကို တင်းတင်းကျပ်ကျပ် လိုက်နာကြရပါတယ်။ ကြိုးလက်လွှတ်လိုက်တာနဲ့ မကောင်းဆိုးဝါးတွေရဲ့ ဖမ်းစားမှုကို ခံရမှာဖြစ်လို့ပါပဲ။

ဒါပေမဲ့ တစ်နေ့မှာတော့ သားဖြစ်သူတစ်ယောက်က မိခင်ဖြစ်သူ ပြောပြနေတဲ့ မကောင်းဆိုးဝါးတွေဟာ တကယ်ပဲရှိရဲ့လားဆိုပြီး သံသယဝင်လာရာကနေ စည်းကမ်းကို ချိုးဖောက်ပြီး ကြိုးကို လွှတ်လိုက်မိတဲ့အခါ…။ တကယ့်ကို ရင်တမမနဲ့ ဘာဆက်ဖြစ်မလဲဆိုတာ ဇာတ်ရှိန်တက်တက်နဲ့ ကြည့်ရှုရမယ့် ထိတ်လန့်ခြောက်လှန့်ခက် စိတ္တဇဟော်ရာ ကားကောင်းကြီးပဲ ဖြစ်ပါတယ်။